ПАТРИЈАРХАТОТ Е ВИНОВЕН ЗА СE

Апстракт

Дури и во современата литература, патријархатот е проколнат да
биде главната причина за дискриминацијата на жените на Балканот, но и во пошироки рамки. Ние се трудиме да покажеме дека оваа дефиниција за патријархатот не е веќе релевантна. Многуте примери од теренските материјали го покажуваат постоењето на женската супкултура во традициската заедница и нејзиното припаѓање во реалниот модел на размислување и дејствување којшто е често запоставен во различни истражувања. Овој пропуштен факт придонесува за голем број контроверзи кога станува збор за родовите прашања во традициската заедница. Во тој контекст, се спротивставуваме на многуте генерализации во врска со
родовите прашања, меѓу кои и сместувањето на жената во
маргинализираните групи, како многу ризично и претенциозно.