МАШКОТО И ЖЕНСКОТО ВО БОРБА ЗА ПРАВИЧНОСТ: КРИТИЧКИ ПОГЛЕД ВРЗ ФЕМИНИЗМОТ И МАСКУЛИНИЗМОТ

Апстракт

Ова истражување ги истражува феминистичките и маскулинистичките теоретски пристапи во процесот на конструкција на мажественоста (маскулинитетот) и женственоста (фемининитетот), со цел да овозможи подлабоко разбирање на родовите идентитети и нивната општествена функција. Студијата првенствено го анализира односот меѓу мажите и жените низ историскиот и социјалниот контекст, нагласувајќи ги начините на кои родовите улоги се обликуваат, одржуваат и трансформираат под влијание на културните и институционалните фактори. Понатаму, фокусот е ставен на концептот на мажественост, при што се идентификуваат неколку типови маскулинитети кои се појавуваат како резултат на различни социјални, економски и културни околности. Посебен дел од трудот е посветен на критичка анализа на феминизмот – од една страна, како движење и теорија што ги преиспитува патријархалните структури и се залага за родова еднаквост –  и на маскулинизмот, од друга страна, како одговор на општествените промени и предизвиците со кои се соочуваат мажите во современиот свет. Преку интердисциплинарен пристап, трудот има за цел да придонесе кон пошироката академска дебата за конструкцијата на родот и неговото влијание врз поединецот и општеството во целина.